Një foto e rrallë e Fan Nolit në moshën 58-vjeçare është blerë në “Ebay” nga gazetari i “Zërit të Amerikës” dhe studiuesi Ilir Ikonomi.
Ky i fundit thotë se fotoja daton më 7 dhjetor të vitit 1940 dhe është realizuar në Boston nga një gazetar amerikan. Noli shfaqet në këtë foto me një vështrim disi meditues, me profil studiuesi.
Asokohe Shqipëria ishte e pushtuar nga Italia dhe disa gazeta përmendnin ish-kryeministrin Fan Noli si njërin ndër kandidatët për të kryesuar Shqipërinë pasi ajo të çlirohej.
