Motra e Cristiano Ronaldos, Katia Aveiro ka sulmuar të përditshmen sportive katalane “Sport”.
Katia Aveiro ka treguar se i qëndron pranë vëllait të saj, yllit të Real Madridit, Cristiano Ronaldo.
Ajo me një postim në llogarinë e saj në Twitter ka sulmuar të përditshmen sportive katalane “Sport” që kishte publikuar fotografi të djalit të sulmuesit, i cili luante në telefon në vend se ta shikonte babain e tij duke realizuar katër gola kundër Celta Vigos, përcjell “Lajmi.net”.
Aveiro i ka përkujtuar gazetës “Sport” se ai është ende fëmijë, dhe reagimi i saj është shpërndarë shumë në rrjetet sociale.
