Ajo duket e mrekullueshme çdo fundjavë te show ‘X Factor’, por me pjesëmarrjen në ndarjen e çmimeve ‘Bambi’ në Berlin, të enjten në mbrëmje, këngëtarja me origjinë shqiptare dukej thjesht fenomenale. Ylli i ‘Body On Me’ dukej si një princeshë e jashtëzakonshme me fustanin e shtëpisë së modës ‘Marchesa’ dhe vathët e çmuar.
Të pranishëm në eventin gala së bashku me 24- vjeçaren kanë qenë rreth 800 të ftuar, nga fusha e kinematografisë, showbiz-it, politikës dhe muzikës. Rita ka mundur të triumfojë në këtë event duke fituar ‘Music International Aëards’ ndërsa në Tapetin e Kuq të eventit të përvitshëm, kanë parakaluar edhe emra të njohur si Heidi Klum, Hilary Swank, Pamela Anderson, modelja Toni Garrn, Sylvie Meis-prezantuese televizive në Gjermani, njëkohësisht ish-gruaja e futbollistit Rafael van der Vaart.